Un amplo dispositivo de servizos de emerxencias desprazouse á primeira hora da mañá deste sábado até Sanxenxo para sufocar un incendio.
O lume iniciouse ás 7.30 horas da mañá deste sábado na Rúa Touticeira, na parroquia de Vilalonga.
Segundo a información facilitada polo Concello de Sanxenxo, o lume rexistrouse no baixo dunha casa.
Os servizos de extinción lograr sufocar o lume sen lamentar danos persoais. Tan só houbo danos materiais.
Até o lugar desprazáronse efectivos de Emerxencias Sanxenxo, Bombeiros de Ribadumia, a Policía Local e a Garda Civil.
Fontes oficiais do Concello de Sanxenxo indican que, de momento, descoñécese a orixe do lume.