Alexandre Alberte Moreira
Everest
O Primeiro Mundo pídelle responsabilidade ao gobierno Nepalí pola concesión de licenzas para escadar o Everest, (Nepal e o 150 país máis probe do mundo, nun ranking de 192), e non lle poñen coto aos millonarios avarentos de conseguir sensacións de poder, aburridos de amasar diñeiro (costa 11.000 euros por licenza), e ansiosos por conquerir novos cumios, o poder de subirse aos 8.848 metros do teito do mundo... E que os ricos non deixamos de ver por riba do ombreiro dosprobes para mirarnos o ombrigo.
E mentras na Libia post Gadafi (un dos países máis avanzados de África co líder Panafrícano), no que hoxe os que non morren no Mediterraneo, morren matándose uns a outros e outros a uns. E aínda alguén osa preguntarme por qué non me sinto europeo, porque non necesito escadar o Everest, nin invadir países, nin reducir a escombros sociedades consolidadas, Irak, Siria, Libia, Venezuela?, que podan ser un exemplo e un xérmolo para países viciños, non vaia ser que o seu progreso, poida rebaixar un par de puntos noso in- decente nivel de vida.
Non vivimos por riba das nosas posibilidades, vivimos por riba das posibilidades dos invisibles, que era como chamaba Eduardo Galeano as nenas, nenos, mulleres e homes que tiveron a mala sorte de nacer no Terceiro Mundo, os únicos cumios que escadan, son os de lixo, moitas veces producidos e enviados desde o Mundo Opulente para buscar algo que levarse a boca...