Din que as cousas que saen ben son aquelas que impulsa xente á que lle gusta o que fai. Esa reflexión encaixa perfectamente co espírito do SonRías Baixas, un festival que, como eles mesmos destacan, é organizado por festivaleiros e para festivaleiros. Bueu acollerá os días 4, 5 e 6 de agosto a décimo cuarta edición dun evento que combina a música, as praias do municipio, o lecer e a gastronomía nun ámbito urbano, cómodo e accesible.