Podcans #24
Dom | 21:00 | 21:35
O educador canino, Diego Álvarez, completa con esta entrega o contido dedicado á alimentación dos cans. No anterior programa abordaba a fisioloxía do can; para entender que é o que mellor e peor dixiren e como o fan, atendendo ao funcionamento dos seus órganos. Nesta ocasión desmente mitos ao redor da alimentación natural e amáis expón os beneficios que a alimentación natural proporciona a un can a todos os niveis.
Como recomendación, nesta ocasión remite a unha páxina web para saber máis sobre o coidado dos cans: naturzoo.com da dietista e nutricionista veterinaria Verónica Vicent. A imaxe que acompaña o programa, volve ser a de Flor unha cadela mestiza de sete anos, de tamaño pequeno, que socializa ben con cans e persoas, pero non con animais de granxa. Está esterilizada e quen teña interese pola súa adopción ou acollida pode chamar á Protectora Palleiros ao 657 023 831.