A playlist de... #161: Jose Churruca
Ven | 21:00 | 22:59
Jose Churruca é o nome polo que se lle coñece e que lle puxeron en Luarca cando tiña oito anos. Celeste Persuasión foi a súa primeira banda. Logo veu Costa Norte, non tiña pensado entrar en orquestras "nin de coña" pero aí estivo, desde os 18 anos ata pasados os 40. Hai que sumar a este curriculum El y Ella, Antilia; ah! e Los Churruca.
En decembro de 2015 subiu o seu primeiro backing track a Youtube, seguiron os covers e co tempo introduciu as tablaturas. A día de hoxe suma case seis millóns de reproducións e ten preto de 27 mil subscritores na súa canle. Ademais na súa páxina web vende pistas de acompañamento para instrumentistas e vocalistas e recentemente está aberto a mecenas en Patreon.