Rumboia #197: Lenda Ártabra

Rumboia #197: Lenda Ártabra

Mar | 19:00 | 19:14

O grupo folk Lenda Ártabra xurdiu en Ferrol a finais do ano 2013. Músicos que chegaban doutras formacións decidiron iniciar un novo proxecto que marcase a diferenza con outras bandas da cidade. O seu repertorio vai desde o ámbito tradicional ata os novos ritmos.

Apostan por un espectáculo completo que represente a riqueza cultural de Galicia. Teñen unha posta en escena moi coidada e sempre que é posible van acompañados dun grupo de cantareiras que imprime aos seus directos un carácter tradicional.

Apostan por unha dobre vía que é coidar o que xa se ten e achegar material novo creando letras e melodías. Xotas, muiñeiras, pasacalles, polcas, marchas ou maneos son algúns dos ritmos que se poden distinguir no seu repertorio.

Rumboia

Rumboia é un programa producido pola Asociación de Gaiteir@s Galeg@s, un espazo para a música tradicional e folk galego.

Fechar