Continuaremos nunha situación intermedia entre altas e baixas presións con circulación do suroeste achegando humidade a Galicia. Agárdase un día de ceos moi nubrados en xeral e con chuvias febles en puntos da metade oeste, máis frecuentes nas comarcas atlánticas. As temperaturas experimentarán un lixeiro ascenso. O vento soprará do suroeste moderado con intervalos fortes no litoral norte.