Máis de 300 persoas acompañarán a comitiva dos Reis Magos na cabalgata de Poio
Por Redacción
Integrantes das ANPAs de todos os centros escolares de Poio, comparsas e batukas teñen previsto participar na cabalgata que o Concello organiza para a visita dos Reis Magos ao municipio na que se espera reunir unha comitiva de máis de 300 persoas.
Durante estas xornadas xa traballan na elaboración de accesorios e elementos que utilizarán con motivo desa data tan esperada polo público infantil.
Durante as últimas semanas, escolares e adultos participaron en obradoiro para crear eses complementos.
Dentro da programación do Concello de Poio para estas festas, durante a xornada deste sábado 9, as familias tamén teñen unha cita na Aldea do Adro de San Salvador. Neste espazo gozarán co tren máxico. Ás 16.30 horas comezará a música co pasacalles da batuka Canecos.
Ás 17.30 horas está previsto que se inicie o espectáculo de música e baile Aldea do Nadal, de Nelson Quinteiro. En caso de choiva, a función trasladarase ao salón de actos parroquial.
A partir das 19.00 horas, no interior da igrexa, celebrarase o XXIII Concerto de Nadal, que organiza a Coral de Poio.
OBRADOIROS CREATIVOS
Tamén se atopa aberto o prazo para que as persoas interesadas se apunten aos obradoiro creativos que se poñerán en marcha na Casa Rosada, na parroquia de San Salvador, durante o martes 19 e o xoves 21 de decembro.
Realizaranse adornos e centros de Nadal no primeiro, mentres que o segundo consistirá na elaboración dun gnomo do Nadal.
As inscricións deben realizarse no teléfono 986.872.401.
Estes obradoiro están destinadas a persoas adultas e son gratuítas.
Relacionadas:
-
A recta final do ano chega a Poio cargada de música e actividades de Nadal
Por Redacción |
-
Dezasete familias de Poio recibirán un menú solidario esta Noiteboa
Por Redacción |
-
O venres inaugúrase a carpa Poio Máxico, con obradoiros, xogos e actividades para todas as idades
Por Redacción |
-
A Fedelleneta do Nadal visita esta semana os centros escolares de Poio
Por Redacción |
-
O BNG fala de "apagón de Nadal" no rural en Poio e pide transparencia ao goberno local
Por Redacción | Creada e actualizada
-
Poio métese de cheo nunhas festas do Nadal "de todos e para todos"
Por Redacción |
-
Esta é toda a programación de Nadal do Concello de Poio
Por Oskar Viéitez |
-
Reveladas as cinco gañadoras do concurso de tarxetas de Nadal de Poio
Por Redacción |
-
Escolares de Poio pintan e decoran as Aldeas de Nadal
Por Redacción |