Principio de acordo no ERE de Hierros Santa Cruz
Por Redacción
As asembleas de traballadores estudarán o luns as condicións do Expediente de regulación de emprego (ERE) de carácter temporal negociadas entre o comité de empresa e a dirección de Hierros Santa Cruz.
Os representantes do persoal nos centros desta compañía de Xil (Meaño) e A Picaraña (Padrón) alcanzaron un rápido acordo que matiza en determinados aspectos a proposta inicial da empresa.
Segundo informaron fontes dos comités, serán 44 os traballadores que se someterán ao ERE por un máximo de 150 días e durante nove meses.
Recordemos que en principio se propuxo o carácter suspensivo e rotatorio do ERE para 51 dos 65 traballadores cun máximo de 180 días durante oito meses.
En canto aos empregados do área de administración recortarán á metade a súa xornada laboral (a redución inicialmente proposta chegaba ao 70%). En dous meses si é necesario prorrogar este ERE os administrativos veranse afectados en 90 días máis nas mesmas condicións que os outros 44 compañeiros.
Si o acordo é ratificado polas asembleas unha vez que sexa informado o Servizo Público de Emprego Estatal pasará a ser efectivo.
Relacionadas:
-
Os traballadores de Hierros Santa Cruz aceptan as condicións do ERE
Por Redacción |
-
Hierros Santa Cruz reitera a súa intención de non despedir empregados a pesar do ERE temporal presentado
Por Diego Espiño |
-
Hierros Santa Cruz presenta un ERE temporal para 53 dos seus traballadores
Por Diego Espiño |