Ás protestas do Froebel polo tellado súmanse as do colexio Barcelos polo ximnasio
Por Oskar Viéitez
De novo este mércores o CEIP Froebel viviu unha xornada de protesta para esixir á Consellería de Educación que axilice as obras da terceira fase da reforma prevista neste centro de Pontevedra, que levan unha década de atraso.
A chegada do Entroido sumou novos disfraces aos gorros e gafas de piscina que vestiron os escolares para chamar a atención da precaria situación na que se atopa o seu colexio onde segue entrando auga cada vez que chove, como ocorre hoxe.
O xefe territorial da Consellería de Educación, César Pérez Ares, mantén que as obras se iniciarán en 2024 e finalizarán en 2025 cun investimento de 1,1 millón de euros coa reparación integral das cubertas, con reforzo estrutural e mellora do illamento térmico, entre outras melloras.
Pero a do CEIP Froebel non será a única protesta activa dun centro educativo da cidade pois o ANPA O Galo do Colexio Praza de Barcelos anunciou mobilizacións.
Neste caso a comunidade educativa esixe á Xunta e ao Concello de Pontevedra que reclamen á empresa que está a executar obras na parcela anexa ao centro para recuperar o ximnasio, despois de catro meses sen poder usalo.
Ademais da deste xoves convocaron novas protestas para o venres 9 e para os días 15 e 16 de febreiro, ás nove da mañá.
Relacionadas:
-
A reforma pendente no Froebel non implicará reordenar o alumnado en módulos móbiles
Por Alejandro Espiño & Cristina Saiz |
-
Catro empresas optan á rehabilitación integral do colexio Froebel
Por Redacción |
-
A empresa que causou os danos no CEIP Praza de Barcelos asumirá a reparación
Por Redacción |
-
Licitada a terceira fase das obras de rehabilitación do CEIP Froebel
Por Redacción |
-
Protesta baixo a choiva no colexio de Barcelos
Por Oskar Viéitez |
-
O CPI Santa Lucía de Moraña acolle a estudantes e mestres croatas de Erasmus
Por Redacción |
-
Novo 'Mércores Negro' no CEIP Froebel para esixir á Xunta confirmación por escrito da execución da reforma en 2024
Por Mónica Patxot & Anxo Lourido |
-
A reforma do colexio Froebel, segundo Educación, comezará este mesmo ano
Por Redacción |
-
O Concello acusa á Xunta de "tirar balóns fóra" á hora de resolver o estado actual do CEIP Barcelos
Por Redacción |