Os pontevedreses gastarán preto dun millón de euros en regalos de San Valentín
Por Oskar Viéitez
A Federación de Comercio publicou a súa habitual enquisa de intención de gasto por habitante en San Valentín 2014 na que asegura que os comercios da provincia de Pontevedra facturarán sobre 12,09 millóns de euros con motivo do día dos Namorados.
Deles, case un millón de euros sairán dos petos dos pontevedreses.
Segundo esta enquisa os vigueses gastaranse 3,65 millóns e os vilagarcianos gastaranse 346.000 euros.
En total, segundo esta Federación que preside o pontevedrés Antonio Reguera, serán máis de 12 millóns de euros os que dedique os cidadáns da provincia á compra de regalos para as súas parellas, o que supón un gasto medio de 32,56 euros por persoa.
Os homes regalan: flores (31%), artigos de xoiaría (28%), roupa (17%), perfumes (12) e lenzaría (9%).
Mentres que as mulleres regalan roupa (33%), xoias (21%), perfumes (18%) e música (17%).
Segundo os datos que ofrece esta Federación este ano produciuse un incremento de arredor dun 3,1% no gasto en relación co ano pasado.