Propoñen construir o 'skate-park' no Campus ante as dificultades do proxecto de Domingo Fontán
Por Oskar Viéitez
No último pleno municipal o grupo de goberno do Concello de Pontevedra confirmou que xa presentou ante a Xefatura Provincial de Costas o deseño dun "skate park" nos terreos situados a beiras do río Lérez na rúa Domingo Fontán.
Trátase dun anteproxecto que terá que se autorizado por Costas xa que ocupa uns terreos de dominio público marítimo terrestre.
Non obstante o propio concelleiro de Deportes, Agustín Fernández, trasladou o seu receo en canto ás condicións que poida impoñer o Ministerio de Fomento, xa que esta parcela de máis de 6.000 metros cadrados se sitúa ao lado da Autoestrada AP-9.
ÿ o mesmo problema que encontrou no seu día a anterior concelleira de Deportes e actual responsable de Cultura, Anxos Riveiro, cando plantexou construír unha pista de skate en Mollabao. Un proxecto que chegou a ser adxudicado á empresa Zut ata que a Fomento paralizou todos os plans.
Adiantándose a esta posibilidade o colectivo de skaters xa suxire outra alternativa: algunha das esplanadas baleiras do campus. E advirten doutra circunstancia, deberá ser de cemento, o que choca con outra das condicións de Costas para a parcela da ponte das Correntes, que esixe elementos desmontables.
Relacionadas:
-
Estudan a creación dun espazo para skaters en 12 de novembro
Por Redacción |
-
Costas autoriza o skate park xunto á ponte das Correntes
Por Redacción |
-
Máis de 50 mozos concéntranse para reclamar unha pista de skate en Pontevedra
Por Redacción |
-
O PP propón que o centro lúdico e deportivo da Parda incorpore unha pista de skate
Por Redacción |
-
Convocan unha manifestación para reclamar un skatepark en Pontevedra
Por Oskar Viéitez |