A Deputación organiza cursos prácticos sobre diferentes usos da tecnoloxía nas empresas
Por Oskar Viéitez
O Centro de Asesoramento Empresarial en Novas Tecnoloxías que impulsa a Deputación de Pontevedra porá en marcha a partir da vindeira semana un amplo programa de actividades formativas na súa sede central, inaugurada este xoves.
Os autónomos e microempresas da provincia terán así á súa disposición cursos de formación práctica en materias como uso dos certificados dixitais e do DNI Electrónico, marketing on line, mellora da reputación online, xestión informática de compras e vendas, seguridade informática e, incluso, información sobre subvencións e axudas para a implantación de novas tecnoloxías nas empresas.
As clases terán un contido eminentemente práctico e, para un mellor aproveitamento impartiranse en grupos reducidos de entre 10 e 12 persoas.