Un grupo de vándalos envorca un coche en Marín
Por Diego Torrado
A Policía Local de Marín investiga que hai detrás do incidente que se rexistraba ás 8:30 horas deste mércores 16 de abril na suba ao Pavillón da Raña da localidade marinense. Segundo fontes policiais, un grupo de mozos por causas aínda por determinar envorcaba un turismo aparcado no camiño da Raña.
Trátase dun acto vandálico pero descoñécese se ten relación con algún feito anterior. Fontes policiais afirman que se rexistraron nesa zona diferentes actos de vandalismo durante os últimos meses pero nunca ata o extremo de envorcar un vehículo.
Polo momento, o propietario non presentou denuncia na Xefatura da Policía Local e aínda non puido ser localizado polos axentes.