En liberdade logo de deixar un regueiro de 34 roubos en coches por oito rúas da cidade
Por Natalia Puga
O Xulgado de Garda de Pontevedra decretou a posta en liberdade con cargos dos dous mozos detidos o 14 de novembro pola Policía Nacional como presuntos autores de 34 roubos con forza no interior de vehículos.
Segundo fontes policiais, os detidos romperon e forzaron as xanelas e portas dos vehículos en cuestión para roubar no seu interior, pero apesara leváronse obxectos de valor.
Os roubos producíronse nun descampado da rúa Filgueira Valverde e en garaxes comunitarios de Perfecto Feijoo, Andrés Muruais, Pintor Laxeiro, Peregrina, Fray Juan de Navarrete, Eduardo Pondal e Alfonso XIII.
En todos estes lugares actuaron con once días de diferenza, entre o 2 e o 13 de novembro. Os dous mozos, de orixe marroquí, teñen 22 e 19 anos e un deles xa tiña antecedentes policiais.
A Policía Nacioanl segue investigando se estes mesmos individuos foron os responsables de máis roubos. En concreto, dos realizados en entre 16 e 18 vehículos nun garaxe das rúas Palamios e Rosalía de Castro na noite deste mércores 14 de novembro.