As 'pedaladas' son para a primavera
Por Diego Torrado
Un amplo número de participantes colleron a súa bicicleta para sumarse a unha nova edición da tradicional Pedalada polo centro da cidade que partía ás 11.00 horas deste domingo 27 de abril da Praza de España coa presenza do alcalde de Pontevedra, Miguel Anxo Fernández Lores, e do concelleiro de bicicletas, Miguel Filgueira.
Durante o percorrido non se rexistrou ningún incidente e puido observarse a asistencia dun amplo número de nenos durante a marcha, ademais de curiosos modelos de bicicletas. Esta iniciativa englóbase na programación de Pontenbici que inclúe unha Pedalada dos institutos da cidade o xoves 8 de maio e saídas familiares os días 4 e 25 de maio e o 25 de xuño para considerar a natureza sobre rodas. Ademais, programouse unha saída "profesional" o 11 de maio.
O 17 e o 18 de maio organizarase un mercado de bicicletas novas e usadas.
Relacionadas:
-
En bicicleta para reclamar máis seguridade para peóns e ciclistas na autovía de Marín
Por Redacción |
-
En bici ao Insti
Por Mónica Patxot |
-
O Concello reforza a súa aposta polos dous pedais con Pontenbici
Por Redacción |
-
A Mesa da Bicicleta propón "converter a ponte da Barca nunha rúa de Pontevedra"
Por Oskar Viéitez |