Traballadores de Tafisa xunto ás súas familias maniféstanse contra o peche da fábrica
Por Oskar Viéitez & Diego Torrado
Unhas 200 persoas concentráronse ante a sede da Subdelegación do Goberno en Pontevedra para protestar contra o peche da empresa Tafisa.
A mobilización, convocada polo comité de empresa e polos sindicatos UGT, CC.OO. e CIG, reuniu traballadores e familiares que ao berro de "Non ao peche" reivindicaron a viabilidade económica da fábrica de taboleiros situada en Ponte Caldelas.
Dende o Edifico de los Sindicatos ata a Subdelegación a marcha estivo encabezada por unha pancarta co lema 'Sonae-Tafisa. Viabilidade si, peche non', unha mensaxe á dirección da firma radicada en Portugal, que trasladou a factoría a Ponte Caldelas tras o peche das súas instalacións en Pontevedra.
De feito, entre os asistentes á protesta púidose ver o voceiro municipal do PSOE no Concello de Pontevedra, Antón Louro, quen solicitou informes xurídicos para determinar se a dirección de Sonae estaría a incumprir o convenio subscrito co goberno da cidade para o seu traslado.
O comité de empresa pediu o apoio do equipo para mobilizarse o próximo 3 de xuño con motivo da reunión prevista cos representantes de Sonae.
Ademais, no seu manifesto ao remate da manifestación, apostou pola "loita polos postos de traballo" ante un horizonte "complicado" para evitar uns despedimentos que afectarían directamente a 60 familias.
Relacionadas:
-
O plantel de Tafisa acusa á empresa de engordar as perdas con outros gastos do Grupo Sonae
Por Redacción |
-
A Xunta intentará, este xoves, presionar a Sonae e forzar a continuidade de Tafisa
Por Redacción |
-
A empresa xustifica agora o peche de Tafisa nos problemas económicos de todo o grupo Sonae
Por Mónica Patxot & Anxo Lourido |
-
O persoal de Tafisa demanda ao PP unha entrevista urxente coa Xunta
Por Redacción |
-
Os traballadores de Tafisa rexeitan o plan de recolocación que propón a empresa
Por Redacción |
-
Moreira pon a Tafisa de exemplo do "desastroso fracaso" das operacións urbanísticas de Lores
Por Alejandro Espiño |
-
O convenio de Tafisa non obriga a que se manteña na comarca, pero Pontevedra tratará de presionalos
Por Alejandro Espiño |
-
Tafisa inicia a negociación do peche e os traballadores manifestaranse este mércores
Por Redacción |