O BNG pedirá a Feijóo que presione a Sonae para manter a actividade de Tafisa
Por Redacción
O BNG de Pontevedra ten intención de dirixir unha petición ao presidente da Xunta de Galicia, Alberto Núñez, para que medie e presione ao grupo luso Sonae para que reinicie a actividade productiva da fábrica de Tafisa en Ponte Caldelas.
O partido comprometeuse a facelo este venres no marco dunha reunión co comité de empresa de Tafisa na que estiveron presentes o alcalde de Pontevedra, Miguel Anxo Fernández Lores, e os responsables comarcal e local do BNG en Pontevedra, Anxos Riveiro e Raimundo González.
O encontro desenvolveuse nun clima que dende o BNG califican de "moi cordial" e os responsables políticos ofreceron o seu apoio a todas as mobilizacións que fagan os traballadores. Ademais, tamén se lles informou de que o luns día 9, ás 12.30 horas, manterán unha reunión co grupo parlamentario do BNG.
Na reunión o alcalde pontevedrés aproveitou para informalos sobre as xestións que leva feito ata o día de hoxe, tal e como lle solicitara o propio comité de empresa.
Relacionadas:
-
Os traballadores de Tafisa solicitan apoios a todos os grupos políticos do Parlamento
Por Redacción |
-
A Xunta intentará, este xoves, presionar a Sonae e forzar a continuidade de Tafisa
Por Redacción |
-
A empresa xustifica agora o peche de Tafisa nos problemas económicos de todo o grupo Sonae
Por Mónica Patxot & Anxo Lourido |
-
O persoal de Tafisa demanda ao PP unha entrevista urxente coa Xunta
Por Redacción |