Escolares de Vilagarcía visitan o buque Irmáns García Nodal
Por Aitana Vidal
A presidenta da Autoridade Portuaria, Sagrario Franco, e o alcalde de Vilagarcía, Tomás Fole, asistiron á xornada divulgativa sobre o océano que se desenvolveu no peirao do Ramal no porto de Vilagarcía.
O acto, organizado pola Consellería do Medio Rural e do Mar, contou coa presenza de alumnos do colexio A Lomba de Vilagarcía que puideron visitar e comprobar o funcionamento dun dos buques do Servizo de Gardacostas de Galicia.
Os escolares accederon ao buque 'Irmáns García Nodal', botado no ano 2005, e con frecuencia intervén en actuacións na ría de Arousa. Este barco realiza funcións de salvamento, gardacostas, inspección de pesca e anticontaminación.