Solidariedade co pobo de Ucraína na Peregrina
Por Diego Torrado
O Comité de Solidariedade Internacionalista Mar de Lumes realizou este sábado 28 unhas xornadas de apoio ao pobo de Ucraína en Pontevedra e en Moaña.
Con estas xornadas, este colectivo denuncia a actuación do goberno de Kiev contra a poboación do leste do país ucraíno que, segundo manifestan, viola os dereitos fundamentais a través de bombardeos e asasinatos masivos.
Un grupo de mozos concentrábase na Praza da Peregrina portando pancartas en contra da limpeza étnica e ideolóxica. Culpan ademais á Unión Europea, á OTAN e a Estados Unidos de estar detrás da situación que se vive no país do Leste de Europa.