Santa Mariña compite en Internet por ser o cemiterio máis bonito de España
Por Redacción
A votación popular do concurso de cemiterios de España xa está aberta ao público en internet a través da páxina web da revista Adeus.
O pasado mes de xuño un xurado de expertos seleccionara ás ruínas de Santa Mariña Dozo, en Cambados, como finalista na categoría monumento do "Primeiro Concurso de cemiterios de España 2014", entre os 41 cemiterios de 16 comunidades autónomas que se presentaron.
O xurado estaba integrado por Nieves Concostrina, xornalista e escritora, redactora xefe da revista Adios; Mercedes Fernández-Martorell, escritora e antropóloga; Ana Valtierra, doutora en Historia e teoría da Arte; Jordi Valmaña, presidente da Asociación de Funerarias e Cemiterios Municipais; Antonio Flores, creador da rede social en Facebook "Apoiamos a ruta europea de cemiterios"; Joaquín Araújo, naturalista e escritor, Premio GLOGAL 500 das Nacións Unidas, e Gabino Abánades, asesor e especialista en cemiterios do grupo Funespaña.
As votacións entre os internautas finalizarán o día 30 de setembro.
Santa Mariña de Cambados e Noia na Coruña, son os únicos cemiterios galegos seleccionados e compiten con camposantos de cidades moi importantes de toda España.