Louzán convoca a 13 alcaldes para intentar paralizar a reforma xudicial de Gallardón
Por Redacción
O presidente da Deputación, Rafael Louzán, anunciou que convocou o luns 21 de xullo aos trece alcaldes da provincia que contan con partidos xudiciais para manter unha reunión e facer unha fronte común que poida paralizar a reforma xudicial prevista polo ministro de Xustiza, Alberto Ruiz Gallardón, que elimina os partidos xudiciais.
Louzán indicou que se tratará dunha reunión de traballo inicial, prevista para as 10:30 horas, na que espera que haxa unha achega por parte dos rexedores afectados e, a continuación, ten intención de que se elabore un manifesto en que se recollan as peticións que se trasladarían ao ministro.
Este encontro derívase do pleno da Deputación do 30 de abril no que se decidiu esixir por unanimidade a retirada da reforma xudicial de Gallardón porque o propio presidente provincial manifestou que non atende ás peculiaridades de Vigo e Pontevedra. Ademais, o acordo plenario tamén instaba a Xunta de Galicia a reclamar do Goberno do Estado o mantemento dos partidos xudiciais da provincia.
Os alcaldes de Pontevedra, Vigo, Vilagarcía de Arousa, Cambados, Caldas de Reis, Marín, Ponteareas, Tui, A Estrada, Cangas, Lalín, Redondela e Porriño están convocados á reunión do luns.
Relacionadas:
-
Alfonso Rueda: "Con esta reforma, seguro que Pontevedra non vai perder ningún órgano xudicial"
Por Natalia Puga |
-
Gallardón dá marcha atrás na reforma da Xustiza: manteranse todos os partidos xudiciais
Por Redacción |
-
Contradicións no PSOE ante o manifesto de Louzán para manter o mapa xudicial na provincia
Por Anxo Lourido |
-
O fiscal xefe sobre o novo mapa xudicial: "No tiene ninguna justificación que no exista ese partido (Vigo)"
Por Natalia Puga | Creada e actualizada
-
O Pleno da Deputación esixe por unanimidade a retirada da reforma xudicial de Gallardón
Por Oskar Viéitez & Mónica Patxot |
-
Moreira queda só no seu posicionamento fronte ao goberno local de Vigo
Por Oskar Viéitez & Mónica Patxot |