O 'Ilustrísimo' pasa polos xulgados e é detido por dous novos furtos
Por Redacción
Alejandro P.C., coñecido como o 'Ilustrísimo', segue sen reformarse e este martes 22 foi detido cando saía dos Xulgados da Parda onde se dirixira por orde xudicial para responder por delitos cometidos anteriormente. Axentes da Policía Nacional identificárono á saída dos xulgados xunto a un compañeiro e ambos os dous foron trasladados á Comisaría de Pontevedra ao ser recoñecidos como presuntos autores de dous furtos nos últimos días en establecementos de Pontevedra.
O 15 de xullo teríase levado 490 euros dunha marisquería da rúa Arquitecto da Sota e posteriormente levouse 320 euros dunha cafetaría da rúa Rouco. O modus operandi empregado polo coñecido delincuente é similar ao utilizado semanas atrás en La Tienda de Clara. O 'Ilustrísimo' e o seu compañeiro de faena entran no local para tomar algo e aproveitan que o camareiro atende a outros clientes na terraza para achegarse ata a caixa rexistradora e levarse todo o diñeiro que se encontra no seu interior.
Durante esta mañá encóntrase prestando declaración na Comisaría de Policía á espera de que sexa posto a disposición xudicial.
Relacionadas:
-
O 'Ilustrísimo' volve ao calabozo por arrebatar o bolso a unha muller e saír correndo
Por Natalia Puga |
-
'O Ilustrísimo' volve ás andadas e suma a súa primeira detención tras saír de prisión
Por Natalia Puga | Creada e actualizada
-
O Ilustrísimo e o seu 'compinche' volven coincidir en prisión
Por Natalia Puga |
-
Entrevista exclusiva a "O Ilustrísimo", o mozo ladrón pontevedrés: "Desde antes de los 14 años vivo solo y tengo que robar para comer"
Por Diego Torrado & Anxo Lourido |