Marte e Pontevedra, máis preto que nunca grazas o enxeñeiro da NASA Fernando Abilleira
Por Redacción
Xa dende era un neno, cando visitaba o seu avó en Lérez e veraneaba en Silgar, Fernando Abilleira soñaba co espazo. Non se marcaba barreiras, porque sabe que "el cielo es el límite". E a base de esforzo chegou a traballar na NASA e ser unha peza fundamental no deseño e navegación da misión InSight, coñecida popularmente como a 'Misión a Marte'. E todo iso quixo compartilo cos pontevedreses.
Centos de persoas abarrotaron onte á noite o Teatro Principal para asistir á conferencia deste enxeñeiro, que actualmente dirixe o equipo de deseño que a nova misión que a axencia espacial estadounidense mandará ao planeta vermello. Buscan aprender máis sobre Marte, porque segundo Abilleira, "ahora los científicos saben que Marte fue como la Tierra hace 3.000 millones de años y eso servirá para evitar que se repita lo que allí pasó".
Pero a súa conferencia en Pontevedra buscaba achegar o mundo da exploración espacial ao público, en especial aos máis novos "para motivarlos y estimularlos al estudio de las matemáticas, las ciencias, la tecnología o la ingeniería, no solo para aplicarlas al espacio que es lo que a mi me gusta, sino quien sabe de la audiencia que tenemos hoy pueden salir médicos o algún investigador que encuentre una vacuna para el ébola, por ejemplo".
E, por suposto, compartir cos seus paisanos "lo emocionante que fue aterrizar el rover más grande que hemos mandado al planeta rojo", un robot chamado Curiosity dun tamaño próximo á tonelada métrica.. Coincidía xusto co segundo aniversario da súa aterraxe en Marte e Fernando Abilleira estaba certamente emocionado. "Igual se me salta alguna lágrima, pero es que lo recuerdo con mucha alegría y emoción", advertía nada máis comezar.
Recoñece que Marte fascinou a humanidade dende o seu descubrimento. E en concreto esta misión, a pesar de ser un proxecto da NASA contou moitas colaboracións internacionais. Tamén de España, que segundo o enxeñeiro de orixe pontevedresa achegou unha antena de alta ganancia. "Fue realmente un éxito para la humanidad", explicou. E así o mostrou en numerosos vídeos e imaxes que demostran o complexo da misión.
Buscábase, recordou, descubrir se o planeta vermello algunha vez tivo as condicións necesarias para albergar vida. Un proxecto no que Fernando Abilleira traballou durante sete anos, un proceso que detallou durante a súa conferencia, na que tamén explicou como se viviu en directo en aterraxe da Curiosity. "Fue fascinante y dramático", asegurou. "Teníamos mucho en juego porque llevábamos un retraso de dos años y tuvo lugar en un momento en el que la situación económica en el mundo era delicada. Tenía que funcionar sí o sí".
Cunha grande ovación despediu o público a este enxeñeiro de 37 anos, que leva xa trece traballando na NASA. Non só no deseño e a navegación destes proxectos, senón apostando pola divulgación científica. "Creo que é moi importante, eu dou moitas conferencias sobre este tema", explicou. Unha delas foi na cidade na que están as súas orixes e que, por un día, estivo máis preto que nunca de Marte.
Relacionadas:
-
A chegada do Perseverance a Marte, todo un éxito con 'selo pontevedrés'
Por Alejandro Espiño |
-
Longas colas para asistir á conferencia do enxeñeiro da NASA, Fernando Abilleira
Por Mónica Patxot |
-
Fernando Abilleira, o 'pontevedrés' na NASA: A misión espacial ten un "futuro brillante"
Por Alejandro Espiño & Mónica Patxot |
-
Pontevedra, campo de probas para un proxecto de nanosatélites auspiciado pola ONU
Por Alejandro Espiño |
-
Nasa, aquí Sanxenxo, me escoitas?
Por Redacción |
-
Fernando Abilleira, dende Lérez ata Marte: "El cielo es el límite"
Por Diego Espiño |
-
O responsable do deseño da 'Misión a Marte' da NASA impartirá unha conferencia en Pontevedra
Por Redacción |