Primeira toma de contacto entre o PP e Ciudadanos de Pontevedra para "estreitar lazos"
Por Oskar Viéitez
Os membros da executiva de Ciudadanos (C's) de Pontevedra reuníronse co PP da local con motivo da presentación desta nova formación pontevedresa.
A coordinadora da agrupación, María Rey, destacou que este partido "se une á vida política local presentando a súa directiva ás formacións da cidade porque no seu ánimo está sumar esforzos co obxectivo de responder ás demandas dos cidadáns".
Segundo trasladan dende Ciudadanos, o presidente local do PP, Jacobo Moreira, valorou positivamente o encontro.
O ideario básico de Ciudadanos-Partido de la Ciudadanía nútrese do liberalismo progresista e do socialismo democrático.
Ademais da coordinadora, María Rey, ao encontro tamén asistiron Lucía Maneiro, secretaria de Ciudadanos; Alfonso Rodríguez, responsable de Política Municipal; José Rivadulla, responsable de Relacións Institucionais e Davinia Marí, responsable de Comunicación.
Por parte do PP, ademáis de Moreira asistiron María José Rodríguez e César Abal.
Relacionadas:
-
Ciudadanos presentarase ás eleccións en Pontevedra
Por Redacción | Creada e actualizada
-
Ciudadanos de Pontevedra reúne aos seus afiliados: "é importante escoitar e dar voz"
Por Redacción |
-
A asemblea fundacional da Marea Pontevedra definirá a súa folla de ruta
Por Redacción |
-
Marea Pontevedra preséntase coa vista posta nas eleccións municipais de 2015
Por Diego Espiño |
-
Espazo Ecosocialista propón crear unha candidatura cívica "para o cambio político real" nas municipais de 2015
Por Natalia Puga |
-
Podemos Pontevedra, abrumados ante a gran afluencia á súa primeira asemblea aberta tralas eleccións
Por Redacción |