Pedro Covelo, gañador do certame de novos deseñadores PonmoNovo
Por Redacción
A colección masculina The Kinds of Beauty, de Pedro Covelo, logrou o premio á mellor proposta do certame de novos deseñadores Ponmonovo, dotado con 900 euros.
Trátase duns deseños inspirados na teoría 'o instinto é arte' de Denis Dutton, segundo formulou o propio autor.
Coveo impúxose ás outras nova propostas do desfile celebrado no Liceo Casino de Pontevedra, as de Alejandra Lorenzo, Laura Bassadre, María González Cid, Gloria Ledo, ÿrase que se era, Sara Vigo, Tania López, Miguel Olarte e Carlos Pinilla, un desfile que pechou como convidado o pontevedrés Javier Barrio.
En canto ao premio ao mellor estilismo, con 200 euros de gratificación, foi para Tania López e a súa colección Humble.
Por outra parte a firma santiaguesa ALALÁ Alta Costura seleccionou á modelo Ana González como imaxe da súa nova colección, no marco da iniciativa Ponmo Revela, mentres que a revista Be Woop Mag seleccionou a Noelia da Rocha e Fran Vázquez para tomar parte no seu próximo editorial de moda.
O premio Ponmo Revela foi para a modelo Lucía Aldatz, que será a imaxe da pasarela en 2015.
Ponmo péchase este sábado co seu desfile principal, previsto para as 21:00 horas na Praza da Peregrina.