Mourente reclama ante a Xustiza o terreo de Montecelo
Por Oskar Viéitez
En abril deste ano os comuneiros trasladaron á Consellería de Sanidade unha proposta de acordo que evitaría a reclamación xudicial dos terreos que ocupa o Hospital de Montecelo. En vista de que non recibiron contestación ao ofrecemento de sinatura de convenio coas administracións públicas, e para dar cumprimento ao acordo da asemblea da Comunidade de Montes de Mourente de 30 de marzo de 2014, a Xunta Reitora acordou presentar reclamación administrativa previa á demanda xudicial en vía civil perante o Sergas, a Tesourería da Seguridade Social e o Concello.
As reclamacións foron presentadas o pasado día 25 de setembro.
As administracións emprazadas dispoñen de tres meses para responder antes de dar comenzo o procedemento xudicial, ainda que poden pedir unha prórroga doutros tres meses, que normalmente se concede.
En todo caso, o inicio deste procedemento non esgota a posibilidade de negociación.
Tal e como se recolle na súa denuncia trátase dunha reclamación moi similar ao dos comuneiros de Figueirido, Salcedo, Vilaboa e San Xulián ante o Ministerio de Defensa polos terreos ocupados pola base militar da Brilat. A comunidade de montes de Mourente reclama a titularidade do soar sobre o que se asenta o Hospital de Montecelo.
O acordo proposto polos comuneiros plantexaba a cambio de que la administración recoñecera a Mourente a titularidade dos terrenos, que se asinaría un convenio de cesión gratuíto e indefinido mentres éstes sexan empregados para un uso sanitario público.
Sanidade manifestou a imposibilidad de asinar este acordo, por ser a Seguridade Social a propietaria formal dos terreos, cuestión que non chegou a aclarar.
Cansos de esperar os comuneiros acuden agora ante a xustiza para que resolva de quen son os terreos de Montecelo.
Relacionadas:
-
O 17 de marzo celebrarase o xuízo sobre a titularidade dos terreos do Hospital Montecelo
Por Oskar Viéitez |
-
Os comuneiros de Mourente agardan que a vista xudicial para recuperar Montecelo se celebre antes do verán
Por Redacción |
-
A espera nos hospitais de Pontevedra e O Salnés segue a ser a máis baixa de Galicia
Por Redacción |
-
Os comuneiros de Mourente solicitan unha entrevista á conselleira de Sanidade para falar de Montecelo
Por Oskar Viéitez |
-
Os comuneiros de Mourente reclaman a titularidade dos terreos que ocupa o Hospital Montecelo
Por Redacción |