Falece un home nun accidente de tráfico na Variante de Marín
Por Oskar Viéitez & Diego Torrado
Un veciño de Bueu falece nun accidente de tráfico en Pontevedra.
Informou o Centro de Atención de Emerxencias 112 que o accidente tivo lugar ás 8:54 horas deste xoves na Variante de Marín (VG 4.4) no quilómetro 2,6.
Segundo a Garda Civil o accidente consistiu nunha colisión fronto-lateral entre un turismo Volkswagen Polo e un camión.
A central de coordinación do 061 enviou unha ambulancia medicalizada que atendeu ao conductor do turismo, un home de 44 anos, S.F.T. veciño de Cela (Bueu) que faleceu no lugar do suceso.
Ao lugar do accidente, desprazáronse os Bombeiros de Pontevedra e a Garda Civil de Tráfico.