O congreso 'Ponte a Punto' prepara a súa terceira edición, prevista para o sábado 8 de novembro
Por Redacción
O salón de congresos do Pazo da Cultura de Pontevedra acollerá o próximo sábado 8 de novembro a terceira edición do congreso Ponte a Punto.
Nesta ocasión o evento, que trata de expoñer as "bases imprescindibles" do desenvolvemento persoal, centrará as súas actividades nun só día.
Co obxectivo de obter "as ferramentas necesarias para poder conseguir os nosos obxectivos persoais e profesionais" Ponte a Punto contará cunha serie de expertos como Sergio Fernández, presentador e director do programa 'Pensamiento Positivo' en ABC Punto Radio, Javier Akerman, Sandra Mesías, Antonio Guimaraes e Pepa Moya.
As inscricións contan cunha tarifa xeral de 45 euros máis IVE ata o 5 de novembro e de 65 euros máis IVE a partir dese día.