Tréves negocia el ERE de 40 días para 2013
Por Redacción
Este martes 4 de decembro comezaron as negociacións entre o comité de empresa e a dirección de Trèves para establecer as condicións do ERE ao que se vai someter o cadro de persoal da fábrica do Campiño durante 2013. Este expediente de regulación é asumido como consecuencia da necesidade de adaptarse á produción da planta de PSA-Citroën en Vigo.
No primeiro encontro as diferenzas entre a dirección e os representantes dos traballadores atópase no apartado sobre os complementos para compensar a perda salarial derivada da regulación. A empresa, neste primeiro contacto, non está disposta a pagar ningún complemento. Está previsto que as conversas continúen o luns e o mércores da próxima semana.
Actualmente, Trèves conta con 151 traballadores e dedícase á elaboración de diversos elementos para o interior dos vehículos.