Nasa, aquí Sanxenxo, me escoitas?
Por Redacción
O martes 28 de outubro de 2014, no IES Sanxenxo, os alumnos de primeiro da ESO participarán nunha videoconferencia con Fernando Abilleira, enxeñeiro aeroespacial da NASA e con raíces familiares neste concello.
Fernando Abilleira, que traballou en misións relacionadas coa posta en órbita de diferentes observatorios espaciais, como o Hubble, e que leva máis de 10 anos traballando para a oficina do Programa de Exploración de Marte da NASA, foi un dos responsables de conseguir que o vehículo robotizado Curiosity aterrara con éxito no planeta Marte fai agora dous anos.
Os alumnos do IES Sanxenxo poderán preguntarlle a Fernando, en directo dende o Control de Misión no Jet Propulsion Laboratory en Pasadena, California, sobre cuestións como a posible existencia de vida en Marte, os retos espaciais que se pretenden co próximo aterrizador marciano (InSight) previsto para o 2016 e do que Fernando é o manager de diseño de misión, a posibilidade de que se realicen viaxes tripuladas ó planeta veciño, e todas aquelas cuestións que poidan xurdir da imaxinación dos estudantes.
Quen sabe se algún deles se contaxiará do entusiasmo de Fernando e nos próximos anos teremos algún outro enxeñeiro aeroespacial ou algún astronauta na comarca.
Relacionadas:
-
A chegada do Perseverance a Marte, todo un éxito con 'selo pontevedrés'
Por Alejandro Espiño |
-
Longas colas para asistir á conferencia do enxeñeiro da NASA, Fernando Abilleira
Por Mónica Patxot |
-
Fernando Abilleira, o 'pontevedrés' na NASA: A misión espacial ten un "futuro brillante"
Por Alejandro Espiño & Mónica Patxot |
-
A astronomía ao alcance de todos os sanxenxinos
Por Redacción |
-
Marte e Pontevedra, máis preto que nunca grazas o enxeñeiro da NASA Fernando Abilleira
Por Redacción |
-
Fernando Abilleira, dende Lérez ata Marte: "El cielo es el límite"
Por Diego Espiño |
-
O responsable do deseño da 'Misión a Marte' da NASA impartirá unha conferencia en Pontevedra
Por Redacción |