A Outubrofest bota o peche cun novo éxito colleitado
Por Diego Torrado
Este domingo a Outubrofest volve botar o peche cun balance moi similar ao das cinco edicións anteriores nas que se celebrou para recadar fondos para o Pontevedra Rugby Club. Un balance de catro xornadas coa carpa chea en horas punta de cidadáns famentos de cervexa e salchichas alemás.
A carpa situada na praza do Teucro levantou o pano o xoves día 30 e permaneceu aberta dende entón con horario continuo de 12.00 a 00.00 horas cun stock preparado para dar servizo aos comensales de 7.500 litros de cervexa e 11.000 salchichas.
Os prezos mantivéronse igual que en 2013, coa cervexa loura a 3,50 a pinta e a 6 euros o litro. A torrada, pola súa banda, ofreceuse a 4 e 7 euros. Entre as novidades deste ano, ofreceuse unha variedade da salchicha xermana currywurst, ademais da típica torta alemá de améndoa.
Por outra banda, entregose por primeira vez o galardón 'Máis que rugby' ao club que o Pontevedra Rugby Club, considera que realiza un labor máis importante co deporte base, neste caso, a Escola de Fútbol Portero 2000, obsequiado cun trofeo e unha salchicha de tres metros de longo.
Relacionadas:
-
As salchichas dun metro triunfan nun Outubrofest con novo récord de público
Por Redacción |
-
Pontevedra xa está de Outubrofest
Por Redacción |
-
O 29 de outubro volve o Outubrofest, unha festa popular que Pontevedra xa "fixo súa"
Por Redacción |
-
A VI Outubrofest levanta o pano na Praza do Teucro
Por Redacción & Mónica Patxot |
-
7.500 litros de cervexa regarán o Outubrofest a partir deste xoves
Por Mónica Patxot & Anxo Lourido |
-
A VI Outubrofest ocupará a Praza do Teucro a partir do xoves 30 de outubro
Por Redacción |