A Deputación entrega os presupostos de 2015 á oposición para o seu estudo
Por Redacción
Os voceiros dos tres grupos políticos con presenza na corporación provincial da Deputación reuníronse este martes para coñecer os primeiros detalles dos presupostos da institución para o ano 2015.
A oposición coñece así un avance do texto que será discutido o próximo venres, 21 de novembro, nunha comisión informativa antes de someterse a votación, en dúas semanas, no Pleno Provincial.
Segundo explicou o vicepresidente da Deputación, José Manuel Figueroa, o presuposto "está baseado fundamentalmente na creación de emprego, hai destinados máis de 7 millóns de euros para este capítulo".
Ademais Figueroa incidiu de novo na amortización de débeda, que será de 13 millóns na próxima anualidade para deixar a cifra total en 40 millóns.
Pola súa banda os voceiros de Partido Socialista e Bloque Nacionalista Galego realizaron unha primeira valoración pero "a de fonfo non podo facela aínda, haberá que estudalos pero semella que hai un recorte brusco en investimentos", sinalou o representante do BNG, César Mosquera.
O socialista Santos Héctor comentou tras esta reunión que "algunhas das partidas que vimos, como ás de emprego, vémolas positivas", pero se reservou unha análise máis profunda para o debate en sesión plenaria.
Relacionadas:
-
A Deputación foi a administración local española "que máis diñeiro adicou a plans de emprego"
Por Oskar Viéitez |
-
Os socialistas critican que Louzán informe antes ó PP sobre os orzamentos que aos grupos da Deputación
Por Redacción |
-
A débeda da Deputación de Pontevedra situarase nun 38% ao rematar este ano 2014
Por Oskar Viéitez & Mónica Patxot |