A reforma de Marqués de Valterra encara a súa fase final
Por Redacción
A última fase do proxecto de mellora da seguranza viaria e reforma da praza Marqués de Valterra e da avenida de Marín ao seu paso por Estribela xa está en marcha. Comezouna esta semana o Concello de Pontevedra coa instalación dunha nova iluminación. Esta parte final supón un investimento de 60.000 dos 120.000 euros destinados a todo o proxecto.
Dentro deste proxecto xa se desmontou o paso elevado da avenida de Marín, instaláronse pasos de peóns elevados dentro e fóra da praza Marqués de Valterra, pintouse a sinalización horizontal e instalouse a nova sinalización vertical. Agora toca a fase final, que supón a instalación da nova iluminación da zona.
Así, o Concello está a colocar farois novos similares aos que hai no casco urbano da cidade con luminaras led que permiten a reducción da contaminación lumínica, melloran a eficiencia enerxética nos espazos público e reducen o consumo un 80%.
Os novos farois marcan os percorridos peonís que se variaron dentro da praza e tamén no exterior, polo que contribúen á seguranza viaria de peóns e condutores, segundo informa o Concello a través dun comunicado.
Ademais, o Concello atendeu a petición do Consello parroquial de que se dese maior iluminación á área infantil da praza. Así, instalaranse farois e luminarias de última tecnoloxía.
Relacionadas:
-
A instalación de 'lombos' en Estribela provocará restricións de tráfico o martes
Por Redacción |
-
A colocación de pasos elevados en Estribela afectará este martes ao tráfico rodado
Por Redacción |
-
Onde se anunciarán agora as vodas?
Por Oskar Viéitez & Diego Torrado |
-
Conta atrás para a retirada da pasarela peonil de Estribela e o "cambio de cara" de Marqués de Valterra
Por Alejandro Espiño |