A Pontevedrada e o micólogo Jaime Blanco Dios, primeiros candidatos aos Cidade de Pontevedra
Por Oskar Viéitez
O micólogo Jaime Blanco Dios, presidente da asociación micológica Brincabois, é o primeiro candidato na categoría de persoas físicas en ser proposto para o premio "Cidade de Pontevedra".
A súa candidatura foi presentada pola Asociación Andaríns do Val do Lérez, que esgrime o traballo desenvolvido nos últimos tempos por este experto micólogo e, sobre todo, o descubrimento de varias especies novas ás que adxudicou o "apelido" pontevedrés no seu nome científico.
Igualmente, outra asociación, Amigos da Pontevedrada presentou como aspirante a este recoñecemento na categoría persoas xurídicas á Pontevedrada, unha marcha nocturna ininterrompida de aproximadamente 63 quilómetros que transcorren polo Camiño de Santiago Portugués dende a cidade do Lérez ata Santiago de Compostela. Pretende concienciar a poboación da grande importancia que ten a doazón altruísta de sangue, órganos e tecidos.
Os premios Cidade de Pontevedra entréganse o 20 de xaneiro, día de San Sebastián, no Teatro Principal.
Relacionadas:
-
A Pontevedrada bate récord con case 600 inscritos para a súa andaina solidaria a Santiago
Por Alejandro Espiño |
-
O enxeñeiro Jaime Bernardo Blanco e o Cine-Club, premios Cidade de Pontevedra 2014
Por Redacción |
-
O Cine-Club eleva a seis as candidaturas aos premios Cidade de Pontevedra
Por Redacción |
-
Adrián Esperón, Antón Sobral e a asociación Cristóbal Colón galego, candidatos ao Cidade de Pontevedra
Por Redacción |
-
A senda do Lérez leva a unha nova especie, a Pterula pontevedrensis
Por Redacción |
-
Coñeces algún candidato para o premio Cidade de Pontevedra?
Por Redacción |
-
600 persoas participan na 'Pontevedrada 2014', a marcha solidaria coas doazóns
Por Diego Torrado & Anxo Lourido |