Nadalocio e a súa pista de xeo despídense ata o próximo Nadal
Por Diego Torrado
Adeus aos esvaróns e sorrisos na pista de xeo instalada no Recinto Feiral de Pontevedra.
Nadalocio pechou este domingo as portas da súa décimo terceira edición despedíndose ata o próximo nadal.
Aínda que a afluencia ao parque de ocio se resentiu durante a semana tras a volta dos escolares ás clases moitos foron os que acudiron a patinar nos 600 metros cadrados de xeo durante a última fin de semana.
Circuíto de karts, inchables ou unha tirolina completaban as actividades de Nadalocio, que promete volver o próximo mes de decembro.