O Concello busca unha solución conxunta para o asentamento chabolista de Ponte do Couto
Por Redacción
A Asociación de Amigos do Camiño Portugués, o colectivo ecoloxista Vaipolorío e a asociación veciñal de Eduardo Pondal e a Cultural San Cibrán de Tomeza, participaron este martes nunha reunión cos concelleiros de Benestar Social, Carme Fouces e de Obras, Luis Bará, para abordar unha solución conxunta ao asentamento marxinal de Ponte do Couto.
Neste encontro explicouse a reforma da contorna que comprende dende a estrada do Marco a Tomeza ata a rúa O Gorgullón.
A reforma da rúa Otero Pedrayo ofrece unha oportunidade de actuar sobre este poboado chabolista, saneando a zona e ampliando a senda do río dos Gafos.
O Concello pretende unha actuación global que tamén atenda a perspectiva social das familias residentes neste poboado, aínda que son conscientes da dificultade que entraña a medida que require da necesaria participación doutras administracións.
A proposta municipal pasa pola expropiación dos terreos, unha idea a longo prazo, debido á lenta tramitación administrativa, e tamén cara, xa que ao ser terreos rústicos pero urbanizables encarecen o prezo final.
O goberno local ten previsto convocar os donos dos terreos nos que se encontra a ponte do Couto para iniciar as negociacións.
Relacionadas:
-
Desmantelan parte do asentamento chabolista de Ponte do Couto
Por Natalia Puga |
-
Vaipolorío reitera as súas denuncias polo impacto do asentamento chabolista do Couto
Por Oskar Viéitez |
-
Mozos de toda Europa axudarán a manter o río Gafos limpo
Por Oskar Viéitez |
-
Vaipolorío recupera a "pontella" de Casal do Río
Por Redacción |
-
Estudan unha profunda reforma do Gorgullón, Otero Pedrayo e o ámbito das dúas estacións
Por Alejandro Espiño |
-
Primeiros pasos para dar unha solución ao poboado da Ponte do Couto
Por Mónica Patxot |
-
Apelan a Augas de Galicia para resolver o asentamento chabolista de Ponte do Couto
Por Alejandro Espiño |
-
Solicitan a reubicación do poboado chabolista da Ponte do Couto
Por Oskar Viéitez |
-
A enchente do Gafos arrastrou numerosos obxectos dos asentamentos chabolistas
Por Oskar Viéitez |