Mar habilita tres zonas na ría para a extracción de miñoca
Por Oskar Viéitez
A Consellería de Medio Rural e de Mar acaba de comunicar a súa decisión de autorizar a extracción de poliquetos en tres zonas da ría de Pontevedra.
Os poliquetos son os gusanos utilizados como cebo, máis coñecidos como as miñocas bichos, ou lombriz de mar.
O anuncio oficial foi acollido con gran satisfacción polo colectivo de pescadores deportivos de Pontevedra enfrontados coas mariscadoras debido a que en demasiadas ocasións algúns pescadores non se limitaban a recoller miñoca senón que acompañaban esta captura con ameixas e berberechos.
A partir de agora a administración acota lugares específicos para a obtención do bicho.
Este acordo entrará en vigor o próximo 1 de xaneiro
A petición da directiva do Gremio de Mareantes fixáronse tres enclaves na ría de Pontevedra nos que, previa licenza, poderase conseguir o cebo.
En concreto, segundo acordouse coa patroa maior da Cofradía de Pescadores San Telmo, María do Carmen Alonso Abilleira, e á presidenta da Agrupación Mariscadoras, María Buceta Alonso, as zonas nas que se poderá extraer a miñoca son: baixo a ponte da Autopista AP-9 ata o inicio da Puntada, no enclave coñecido como O Polvorín e A Seca e Tanque da Ostreira (Combarro).
Este acordo entrará en vigor o próximo 1 de xaneiro.