Pontevedra alcanza o 100% de cobertura na prevención de xordeira en bebés
Por Oskar Viéitez
A Consellería de Sanidade alcanza o 100% de cobertura no seu programa de detención da xordeira no periodo neonatal, tras asinar un convenio de colaboración co Hospital Miguel Domínguez de Pontevedra.
O acordo adoptouse no último consello da Xunta.
Deste xeito o centro pontevedrés únese aos centros públicos da rede hospitalaria galega.
Xunto ao Domínguez xa se adheriron a este programa outros centros sanitarios privados de Santa Teresa e Belén, na Coruña; de Povisa, Pintado e Fátima, en Vigo e A Rosaleda, de Santiago.
O presidente da Xunta, Alberto Núñez Feijóo, indicou que este programa ten "unha gran aceptación" entre as familias xa que o 99,3% delas participan nel.
No primeiro semestre de 2012 realizaron as probas 10.457 bebes.
A porcentaxe de casos de xordeira detectados a través desta proba é de 0,89 casos por cada mil nenos.