"Satisfacción" socialista por manter tres concelleiros "nunhas condicións moi adversas"
Por Diego Espiño
Partían "cunha situación complicada" segundo as enquisas, pero finalmente logrou manter os tres concelleiros cos que contaba na corporación municipal. Por iso o candidato do Partido Socialista, Agustín Fernández, falou na súa primeira valoración electoral de "satisfacción".
Tras esperar practicamente á fin do escrutinio para confirmar o resultado, Fernández compareceu ante os seus compañeiros de formación e xornalistas sorrinte convencido de que "conseguimos trasladarlle aos cidadáns a nosa xestión no Concello".
O representante socialista entende que "se falou moito de maiorías absolutas e os cidadáns de Pontevedra decidiron que non as haxa. Desconfían de califatos e soberbias" manifestou.
Agustín Fernández: "Conseguimos trasladarlle aos cidadáns a nosa xestión no Concello"
En relación a se volverán formar goberno co Bloque Nacionalista Galego, Agustín Fernández mantén que "queremos que en Pontevedra haxa gobernos fortes e estables" pero que "non é momento de falar de pactos" polo que "xa veremos o que pasa nos próximos días".
Por último, en relación aos seus rivais nas urnas, o candidato do PSOE valorou como previsible a irrupción de novas forzas pero ve como "importante que non se fai a costa do Partido Socialista", mentres no caso do Partido Popular acusa de "desastre absoluto" e "resultado moi pobre" os seus sete concelleiros, o que considera como un "castigo moi forte".
Relacionadas:
-
Agustín Fernández, do PSOE: "Temos a posibilidade de acadar a presidencia da Deputación, pero hai que ver a postura do BNG"
Por Mónica Patxot & Anxo Lourido |
-
Así queda a nova corporación municipal de Pontevedra
Por Alejandro Espiño |
-
Eleccións 24M: O BNG roza a maioría absoluta con 12 concelleiros; o PP desplómase e queda con 7
Por Redacción | Creada e actualizada