"Tarde piaches" contesta Lores a Louzán ante a súa insistencia de pacto na Deputación
Por Oskar Viéitez & Mónica Patxot
O actual presidente da Deputación de Pontevedra e do Partido Popular provincial, Rafael Louzán, agradeceu ao Bloque Nacionalista Galego que "ofreza un pacto de goberno", tras a presentación do acordo de mínimos que o deputado nacionalista César Mosquera presentou este luns á prensa, e que en principio estaba dirixido ao PSOE. O alcalde de Pontevedra, o nacionalista Miguel Anxo Fernández Lores, referiuse este martes á insistencia de Rafael Louzán cun lacónico "tarde piaches".
"Nós entendemos que era unha oferta para todos", puntualizou Louzán quen reivindicou ao Partido Popular como "a forza que ten a lexitimidade" para reunirse con outros partidos políticos co propósito de gobernar na futura corporación.
Louzán dixo que está prevista unha reunión co BNG, aínda que precisou que este encontro estará destinado a coordinar a constitución da próxima corporación, pero o líder popular aproveitará para poñer sobre a mesa a súa proposta de pacto cos nacionalistas.
Rafael Louzán ve asumibles as "liñas vermellas" que figuran no documento presentado polo Bloque, do que dixo que, "apoia o que xa se viña facendo en parte" na Deputación e que outras só achegan "un novo modo" de afrontar a xestión, como por exemplo, crear novos órganos de control. "Hai que ir nese camiño", indicou Louzán.
Outras propostas de BNG como a creación de fórmulas de participación, ou de órganos de consultoría e xestión en Turismo Rías Baixas e no Museo "estamos contentos coa forma actual de traballar", aínda que abriu as portas a "replantearse este tema".
COMPARACIÓN CON ANDALUCÍA
Rafael Louzán mostrouse especialmente molesto polas declaracións do secretario provincial do PSdeG-PSOE, Santos Héctor, que acusou a Louzán de "mendigar" o goberno da Deputación coa súa insistencia en dialogar co BNG.
O mandatario popular dixo que "o PP está lexitimado para gobernar e se nós mendigamos, tamén mendiga a socialista Susana Díaz para lograr a presidencia en Andalucía".
Relacionadas:
-
Louzán asegura que a "gran vocación" do BNG é "dar carnés certificados de boa conduta" pero "con moral dobre e hipócrita"
Por Mónica Patxot & Oskar Viéitez |
-
Louzán: “Desde o PP estamos ollando o espectáculo de circo romano no que o PSOE e BNG se pelexan”
Por Cristina Saiz & Anxo Lourido |
-
Louzán inicia a súa despedida da Deputación "en diferido"
Por Mónica Patxot & Anxo Lourido |
-
Un bolero mexicano para Louzán
Por Oskar Viéitez & Cristina Saiz |
-
Louzán arremete contra o PP pola "falta de valentía" para reformar a Lei Electoral
Por Oskar Viéitez |
-
Mosquera propón xestións aos outros partidos no Concello e di: "Non vamos apoiar a Louzán. Foi un presidente omnímodo"
Por Daniel Santomé & Anxo Lourido |
-
Núñez Feijóo: "Do mesmo xeito que é lexítimo que o BNG goberne no Concello, é lexítimo que o PP goberne na Deputación"
Por Cristina Saiz & Anxo Lourido |
-
Louzán insta ao BNG a "madurar e facerse adulto" de cara a afrontar pactos de goberno co PP
Por Oskar Viéitez |