Nito Sobral reelixido alcalde de Poio
Por Oskar Viéitez
Un sobre con dúas papeletas cos nomes de Luciano Sobral e Consuelo Besada, foi a anécdota xurdida durante a votación no pleno do Concello de Poio, no que resultou elixido como alcalde o nacionalista Luciano Sobral, con 9 votos a favor, mentres que 7 concelleiros votaron ao candidato do PP, Ángel Moldes, e un voto resultou nulo.
Todos os novos edís xuraron ou prometeron o seu cargo ante un exemplar da constitución española, e no caso dos sete concelleiros do BNG, sumaron tamén un exemplar do libro de Castelao 'Sempre en Galiza'.
Tras ser investido como alcalde de Poio, no que será o seu sexto mandato consecutivo, Nito Sobral, agradeceu o apoio recibido por parte do Partido Socialista e sinalou que a anécdota do voto nulo é para el "un símbolo do futuro goberno" no que espera que, de novo, volva estar conformado polo BNG e o PSOE, como nos dous últimos mandatos "sempre é mellor o acordo para seguir creando futuro".
O reelixido alcalde espera que este "equipo maioritario" poida levar a cambio os proxectos que se formulan, e invitou a oposición a "traballar en conxunto".
Pola súa banda a voceira socialista Chelo Besada desexou "un mandato en harmonía" polo beneficio de todos os veciños.
Relacionadas:
-
Nito Sobral xubílase e renuncia ao seu soldo como alcalde de Poio, que pasará a Marga Caldas
Por Natalia Puga | Creada e actualizada
-
Lores, quinto mandato como alcalde en Pontevedra
Por Redacción |
-
BNG e PSOE asinan un pacto de goberno en Poio
Por Oskar Viéitez |
-
O PSOE pide Urbanismo, Servizos Sociais, Obras e Servizos e garante que Luciano Sobral será alcalde
Por Alejandro Espiño |
-
Eleccións 24M: O BNG segue como forza máis votada en Poio, pero cede un concelleiro ao PSOE
Por Redacción |