Non me gustan as vacacións, porque non hai cole
Por Oskar Viéitez
Din que o verdadeiro éxito dun profesor está en que os seus alumnos cheguen a dicir que non lle gustan as vacacións porque non hai clases. Pois, na escola infantil Crespo Rivas póñenllo moi difícil ao verán.
Este curso traballaron nun novo proxecto titulado "Little jazz notes for learning english" (pequenas notas de jazz para a aprendizaxe de Inglés).
Segundo explicou a profesora Fabiola Cintrón "trátase de dar un enfoque novidoso na adquisición de idiomas en idades temperás". A través do jazz os nenos melloran a súa expresión verbal e corporal, aumentan o seu vocabulario e interiorizan expresións habituais e van pouco a pouco familiarizándose con este xénero musical facéndoo seu.
Para poder levalo a cabo o Crespo Rivas contou cunha banda de jazz "ilusionada por dar felicidade aos nenos a través dos seus instrumentos". Eles son: Laura, pianista; Quique, batería; Antonio, saxofonista e Xandre, frautista.
Pola súa banda a profe Fabiola encargouse de traballar os ritmos e as cancións na aula cos nenos, que rapidamente quedaron enganchados cunha boa asimilación de coñecementos.
A pasada semana decidiron sacar a música das aulas e sairon a parque de Campolongo. Os nenos de cuarto de infantil cantaron "Hello how are you? " no que o apoio xestual dá conta de diferentes estados de ánimo. Os de quinto cantaron "let ´ s go to the zoo" memorizando animais e diferentes accións e finalmente, os de sexto cantaron un "Twist" onde movían todo o corpo con diferentes movementos.
Así quen quere irse de vacacións.