Abraldes reitera a Fomento a necesidade de mellorar a seguridade viaria na N-550
Por Redacción
O alcalde de Barro, Xosé Manuel Fernández Abraldes, reiterou este xoves ao Ministerio de Fomento a necesidade de mellorar a seguridade vial na estrada N-550 ao seu paso polo núcleo urbano de San Antoniño.
Así llo trasladou ao xefe provincial da Demarcación de Estradas en Pontevedra co que mantivo unha reunión para analizar a situación na que se encontra o proxecto de mellora da seguridade vial nesta zona.
Na reunión, segundo sinala o goberno municipal, volveuse poñer de manifesto a perigosidade do cruzamento coa rúa Areal, logrando o compromiso de que, á maior brevidade posible, se rematará o estudo técnico para determinar cal é a mellor solución para resolver o grave problema da seguridade que existe neste punto.
O alcalde aproveitou ademais a reunión para expresar a súa preocupación e a dos veciños pola perigosidade que tamén existe no cruzamento da N-550 coa estrada provincial Portela-Curro.
Relacionadas:
-
O alcalde de Barro traslada á subdelegada do Goberno os problemas de seguridade na estrada N-550
Por Redacción |
-
Barro e Carreteras del Estado buscan unha solución á falta de seguridade viaria da N-550
Por Redacción |
-
O alcalde de Barro pediu á Xunta a mellora da estrada PO-531 e a ampliación da Barosa
Por Oskar Viéitez |
-
BNG e PSdeG-PSOE pactan a organización do Concello de Barro entre reproches do PP
Por Redacción |