Fixan as novas liñas de traballo de promoción turística de Terras de Pontevedra
Por Redacción
Avanzar nas liñas de traballo iniciadas nos últimos anos grazas ao convenio de colaboración asinado coa Axencia Galega de Turismo. É o obxectivo da mancomunidade Terras de Pontevedra que, este mércores, celebrou un pleno para aprobar as contas do ano pasado e concretar as novas accións que estarán amparadas por este convenio coa Xunta, administración que aportará este ano 60.000 euros para a promoción turística.
Na xuntanza estiveron representados todos os concellos que integran esta mancomunidade, Pontevedra, Marín, Poio, Ponte Caldelas, Campo Lameiro e Vilaboa, agás o de Cotobade.
Ao seu remate, a concelleira de Promoción Económica de Pontevedra, Anabel Gulías, explicou que a mancomunidade seguirá traballando na visibilidade e promoción da arte rupestre da comarca. Tratarán de promocionar os paquetes turísticos creados o pasado ano de forma que toda a xente que queira achegarse aos xacementos da comarca "teñan claro que poden pasar a noite nalgún concello, xantar noutro e comprar ou pasear noutro".
Ademais, estes concellos apostarán polo turismo accesible coa posta en marcha dun roteiro sensorial, pola promoción do comercio de proximidade ou por mellorar a sinalización e o acceso dixital aos recursos turísticos da comarca.
"Pode parecer moito pero o limitado da contía fan que sexan actuacións modestas, pero que veñen a sumar", concluíu a concelleira nacionalista.
Relacionadas:
-
Pontevedra acollerá un foro sobre o turismo accesible e sensitivo
Por Oskar Viéitez |
-
Petra, imaxe e impulso da ruta de arte rupestre de Terras de Pontevedra
Por Diego Espiño |
-
Terras de Pontevedra reedita a súa aposta contra os minifundios turísticos
Por Oskar Viéitez & Mónica Patxot |
-
Turismo promocionará Pontevedra a través de clubs deportivos que xoguen fóra de Galicia
Por Alejandro Espiño |
-
A Xunta concede a Terras de Pontevedra unha axuda para a comercialización do produto turístico "Arte rupestre"
Por Oskar Viéitez & Cristina Saiz |
-
Aproban o Plan de Actuación da Mancomunidade Terras de Pontevedra
Por Redacción |
-
Arte rupestre en Terras de Pontevedra, unha oferta máxica por descubrir
Por Redacción |