Petición cidadá para que a Cidade Infantil Príncipe Felipe acolla refuxiados sirios
Por Redacción
A onda de solidariedade cidadá xurdida a raiz da grave crise migratoria que se vive en Europa e, en especial, dos miles de refuxiados da guerra de Sirya puxo o foco de atención na Cidade Infantil Príncipe Felipe. Un cidadán creou unha petición na plataforma Change.org para reclamar a Deputación Provincial de Pontevedra que poña esas instalacións a disposición dos refuxiados sirios.
A petición está dirixida á presidenta da Deputación Provincial de Pontevedra, Carmela Silva, á que recorda que a Cidade Infantil Principe Felipe naceu no ano 1978 co fin de axudar aos nenos máis necesitados. Ante a situación actual que se vive en Europa, con miles de familias e nenos buscando un fogar lonxe dos terrores da fame e a guerra, consideran que o propio centro da parroquia de Mourente e as vivendas das que consta "poden utilizarse para acoller familias de refuxiados que foxen do terror da guerra civil siria".
A petición fala de que as vivendas da Cidade Infantil Príncipe Felipe están "infrautilizadas". Segundo os últimos datos feitos públicos pola Deputación Provincial, durante o curso 2015-2016 un total de 210 rapaces con problemas familiares ou en risco de exclusión social usarán as instalacións tanto en réxime interno coma a xeito de centro de día.
A petición tivo moi boa acollida entre os internautas pontevedreses. En tan só dúas horas activas, e sen apenas difusión, acadou 70 sinaturas.
Relacionadas:
-
O Campus de Pontevedra acollerá alumnos e profesores sirios refuxiados
Por Oskar Viéitez |
-
O antigo asilo de Loureiro Crespo, de residencia a vivenda para refuxiados?
Por Alejandro Espiño & Cristina Saiz |
-
Sanxenxo abre un censo de ayuda solidaria con los refugiados sirios
Por Redacción |
-
Pontevedra destinará 50.000 euros para axudar aos refuxiados que cheguen a Galicia
Por Alejandro Espiño |
-
Cuntis e O Grove prepáranse para a posible chegada de refuxiados sirios
Por Redacción |
-
A Deputación de Pontevedra ofrece axuda ao Goberno para o acollemento de refuxiados bélicos
Por Redacción |
-
Marea quere que Pontevedra sexa cidade-refuxio para os desprazados sirios
Por Redacción |
-
O Príncipe Felipe terá 210 nenos en acollida
Por Redacción |