Fomento urbanizará 24 quilómetros da estrada de Ourense
Por Oskar Viéitez
O Boletín Oficial do Estado deste martes publica a aprobación por parte do Ministerio de Fomento do expediente de información pública do proxecto da mellora de trazado e remodelación de interseccións da nacional N-541, a estrada de Ourense.
A urbanización da estrada nacional fora asinada polo anterior ministro José Blanco co alcalde, Miguel Fernández Lores. Esta actuación supoñía a instalación de beirarrúas e servizos ao longo dos catro quilómetros entre a rotonda de Montecelo e Bora, no límite con Cotobade.
O proxecto da ministra Ana Pastor é máis ambicioso e pasa de catro a 24 quilómetros. En concreto, actuarase no tramo comprendido entre o punto quilométrico 66,5 (nas inmediacións de Cerdedo) e o 90,7, ás portas de Pontevedra.
O orzamento estimado de licitación (IVE incluído) é de 2.771.975 euros.
As actuacións para desenvolver son as seguintes:
- Cotobade: Vía de servizo en Viascón.
- Pontevedra: Bora: Mellora de trazado e traslado intersección a Eirós. Trasformación en glorieta da intersección de acceso a Xeve e Cotobade. Mellora da iluminación no tramo. Beirarrúas na marxe esquerda.
- Pontevedra: Carabelos-Mourente: Darase continuidade ás beirarrúas da marxe esquerda, construíndo tres tramos novos e repoñendo as que se atopen en mal estado, así como reposición de báculos deteriorados e adecuación das paradas de autobús existentes.
Nos catro tramos adaptarase a drenaxe, a sinalización vertical, a horizontal, o balizamento e as defensas ás novas características proxectadas.
Relacionadas:
-
Os veciños de Viascón trasladan a súa preocupación pola reforma prevista por Fomento na N-541
Por Oskar Viéitez |
-
Fomento licita as obras de mellora do trazado da N-541 en Pontevedra
Por Redacción |
-
Amplíase o saneamento en Mourente e Bora cun investimento que supera a cifra de 1.270.000 euros
Por Redacción |
-
Ana Pastor e Miguel Anxo Fernández Lores, un encontro cargado de temas pendentes
Por Alejandro Espiño |