Marea Pontevedra quere recuperar as concesións da Deputación nos terreos da Xunqueira de Alba
Por Redacción
Marea Pontevedra ven de presentar unha moción co obxectivo de recuperar as concesións da institución provincial nos terreos da Xunqueira de Alba. O encargado de defendela, con case toda seguridade no próximo pleno, será o deputado da Marea de Vigo, Xosé Luís Jácome.
Para Marea Pontevedra o grande hábitat conformado polo espazo marítimo intermareal da Ría de Pontevedra "non pode seguir sendo agredido nin urbanística nin paisaxística nin ambientalmente". A esto ingaden "a presión de múltiples infraestruturas" co "consentimento, cando non coa participación directa", do Ministerio de Fomento, Xunta de Galicia, Deputación Provincial e Concello de Pontevedra.
A imprenta provincial, o parque de maquinaria da Deputación, o parque móbil de ministerios, a xefatura de Tráfico, entre outras, "que debían dar exemplo trasladándose a lugares máis axeitados".
Marea Pontevedra propón que a Deputación "renuncie expresamente a pedir unha ampliación da concesión dos terreos que actualmente ocupan a imprenta provincial e o parque de maquinaria".
Ademais solicita que a Deputación comprométase a "desmantelar esas instalacións e trasladalas a un lugar menos daniño ambientalmente".
A moción da Marea Pontevedra tamén insta á Deputación a colaborar co Concello de Pontevedra no deseño e desenvolvemento dun plan que permita ampliar os 483.000 metros cadrados polos que se estende a Xunqueira de Alba coa suma dos 170.000 metros cadrados ocupados por concesións públicas.
Relacionadas:
-
A imprenta provincial e o parque de maquinaria abandonarán os terreos da Xunqueira de Alba
Por Oskar Viéitez |
-
Ángel Moldes esixe ao PSOE que se desculpe co PP e os traballadores da Deputación por "mentir" no último Pleno
Por Redacción |
-
Marea denuncia as "agresións" á liña marítima e propón declarar a Ría como reserva da biosfera
Por Redacción |