Protesta ante os hospitais Montecelo e Provincial para denunciar unha contratación "precaria e escrava"
Por Oskar Viéitez
Traballadores sanitarios e non sanitarios protagonizaron este venres actos de protesta ás portas dos Hospitais Provincial e Montecelo de Pontevedra.
A Agrupación de profesionais da saúde de Galicia (Prosagal), que preside a xunta de persoal do Complexo Hospitalario Universitario de Pontevedra, foi o convocante destas concentracións de 20 minutos de duración.
A presidenta de Prosagal, Carolina Iñarrea, aproveitou para denunciar a "contratación precaria e escrava" e indicou que sufriron o aumento da xornada laboral, negándoselles o dereito para gozar dos días de libre disposición ou moscosos, a pesar de contar con varias sentenzas firmes que o Sergas non executa. Esta asociación presentou unha denuncia penal reclamando a execución destes fallos xudiciais.
Tamén incluíron entre as súas demandas os permisos retribuídos que descontan da xornada efectiva ou o restablecemento da carreira profesional, "dereito conferido aos empregados públicos e que o SERGAS de maneira velada está a impedir e obstaculizar aos colectivos traballadores".
Outras das súas peticións foron a igualdade retributiva dos festivos e nocturnidade dos profesionais dos Puntos de Atención Continuada, e cualificación profesional dos celadores.
As concentracións tiveron un ambiente do Nadal e foron resumidas nunha pechada defensa da Sanidade Pública.
Relacionadas:
-
A presidenta da xunta de persoal dos hospitais de Pontevedra enfróntase a unha tensa moción de censura
Por Anxo Lourido |
-
Os traballadores sanitarios esixen no xulgado poder gozar dos moscosos
Por Redacción |
-
A plataforma SOS Sanidade denuncia a presenza de roedores no recinto do Hospital Provincial
Por Anxo Lourido |
-
Prosagal e a dirección de Recursos Humanos do CHOP vense as caras nos xulgados polos "moscosos"
Por Redacción |