Defensa da Ría solicita a Medio Ambiente a consideración como parte interesada no expediente da prórroga de ENCE
Por Oskar Viéitez
A Asociación Pola Defensa da Ría de Pontevedra (APDR) solicitou este mércores diante do Ministerio de Agricultura, Alimentación y Medio Ambiente (MAGRAMA) a consideración como parte interesada no expediente da prórroga extraordinaria solicitada pola empresa ENCE.
Ao abeiro da Lei de Procedemento Administrativo Común, a APDR solicita que se lle dea audiencia en todos os trámites do procedemento e acceso ao expediente na forma en que desde o Ministerio se considere máis axeitada.
Segundo o presidente da APDR, Antón Masa, esta solicitude se fixo ao ter coñecemento de que o MAGRAMA está disposto a resolver este expediente de forma favorable á prórroga con anterioridade á toma de posesión do novo goberno saído das urnas o pasado 20D, "unha decisión que non dubidamos en cualificar de eticamente reprobable e ilexítima".
Consideran no colectivo ecoloxista que un goberno en funcións tome unha decisión tan transcendental para o futuro da Ría de Pontevedra coma a de prorrogar unha concesión en terreos de titularidade pública a unha empresa privada "que ademais incumpre a legalidade", podería "rozar a prevaricación" xa que "estarían a tomar unha decisión a sabendas de que é inxusta".
Unha vez máis desde a APDR chaman a atención sobre a "permanente conivencia entre o PP e a empresa ENCE, unha relación que está detrás das presas por concederlle unha prórroga á empresa".
Relacionadas:
-
Defensa da ría de Pontevedra pide a nulidade da prórroga de ENCE nun recurso de alzada ante Medio Ambiente
Por Oskar Viéitez |
-
A Xunta aplaudiría a creación dunha planta de biomasa de Ence fronte ás reticencias do Concello
Por Redacción |
-
O Concello presenta alegacións á prórroga de Ence, logo de personarse no expediente
Por Redacción |
-
A plataforma Ence Fóra solicita por escrito ao Goberno que non consolide a pasteira na ría de Pontevedra
Por Redacción |
-
Lores pide por carta a Rajoy que non aprobe a prórroga a ENCE co goberno en funcións
Por Alejandro Espiño |
-
A APDR estuda denunciar por prevaricación ao goberno de Rajoy se concede a prórroga a Ence
Por Redacción | Creada e actualizada